Студэнт Кастусь Тэнц імаверна быў затрыманы 8 сьнежня. Пра гэта «Палескай Вясне» паведамілі аднакурснікі Кастуся.
Як распавялі аднакурснікі Кастуся, ён часта ладзіў розныя акцыі для прапаганды беларускай мовы ва ўніверсітэце – віктарыны, дыскатэкі з беларускамоўнымі песьнямі, экскурсіі ў адметныя беларускія месцы і ў родныя мясьціны выбітных беларускіх дзеячоў.
Сам хлопец родам з Рэчыцы. Яшчэ ў дзяцінстве ён быў вядомы сваімі перамогамі ў розных відах спорту. У 2019 годзе зацікавіўся беларускай мовай. Наведваў курсы Мова Нанова ў Рэчыцы. Перайшоў сам на беларускую мову. Пасьля паступіў у БелДУТ.
