У шостай калегіі Вышэйшага суда Берліна пачаўся працэс над 52-гадовым палкоўнікам бундэсвера Карстэнам Л. Ён узначальваў адзьдзел бясьпекі Федэральнай разьведвальнай службы Нямеччыны (BND). Яго абвінавачваюць у дзяржздрадзе і разгалашэньні дзяржтаямніц расейскім спецслужбам.
Разам з ім судзяць гандляра дыяментамі і экс-радавога бундэсвера Артура Э. Працэс працягнецца як мінімум да лета.
За гэты час плануецца правесьці 51 пасяджэньне. Да справы прыцягнуты 40 тамоў дакументаў. Па вэрсіі сьледства, абвінавачаныя прадалі ФСБ ключавыя выведдадзеныя аб вайне ва Украіне. За гэта яны атрымалі больш за 800 000 эўра. Паводле інфармацыі BILD, у BND гэта лічаць адным з самых сур’ёзных выпадкаў дзяржаўнай здрады ў гісторыі ФРГ, ступень урону не паддаецца вымярэньню.
Карстэна Л. арыштавалі ў Берліне 21 снежня 2022 года. За здраднікам у BND палявалі тыдзень, вырашальная інфармацыя паступіла ад спецслужбаў адной дружалюбнай дзяржавы. Як піша Spiegel, спачатку Карстэн Л. атрымаў доступ да закрытага чата наймітаў ПВК «Вагнер», зрабіў скрыншоты і перадаў іх ФСБ. Затым ён гэтак жа зрабіў 73 старонкі скрыншотаў унутраных чатаў BND. Артур Э. адвёз іх у Маскву і атрымаў за гэта грошы.
Карстэн Л. меў доступ да ўсіх рэсурсаў BND, атрыманых падчас праслухоўваньня тэлефонных размоваў па ўсім сmвеце, а таксама да інфармацыі, атрыманай ад разведвальных службаў іншых краін.
Карстэн Л. адмаўляецца даваць паказаньні. Паводле інфармацыі BILD, ён працягвае атрымліваць ад дзяржавы заробак у 7613 эўра месяц.
Калегі лічаць, што на здраду яго падштурхнула нязгода з міграцыйнай і эканамічнай палітыкай уладаў Нямеччыны.
Эксперт па міжнароднай бясьпецы, былы кіраўнік кіруючага штаба ў міністэрстве абароны ФРГ Ніка Ланге заявіў, што шпіёнскі скандал не стаў для яго нечаканасьцю. “Нямеччына зьяўляецца самай важнай мэтай расейскай таемнай “вайны” ў Эўропе”, — упэўнены ён.
