8 кастрычніка ў Бранскай вобласьці Расеі бесьпілётнік атакаваў грузавы аўтамабіль зь беларускай рэгістрацыяй. У выніку пацярпела грамадзянка Беларусі, паведаміла беларускае МЗС.
Жанчына атрымала цяжкія раненьні, празь якія ёй спатрэбілася ампутацыя канцавінаў.
Цяпер яна знаходзіцца ў рэанімацыі і падключаная да апарата штучнай вэнтыляцыі лёгкіх. Яе стан — надзвычай цяжкі, але стабілізаваны.
Беларусам, якія плянуюць падарожжы ў Расею, варта ўлічваць сытуацыю з бясьпекай і рызыкі, зьвязаныя з атакамі бесьпілётнікаў.
