Раніцай 8 кастрычніка ў пачатковай школе імя Яна Паўла II у Ляшчыдоле-Навінах каля Вышкава 15-гадовы падлетак, які раней вучыўся ў гэтай школе, напаў з нажом на трох супрацоўнікаў.
37-гадовая супрацоўніца атрымала цяжкія раненьні і, нягледзячы на рэанімацыю, памерла. Дырэктар атрымаў лёгкія раненьні, яшчэ адну пацярпелую настаўніцу шпіталізавалі.
Нападніка абяззброіў дырэктар школы, пасьля чаго яго затрымала паліцыя. Матыў нападу пакуль невядомы.
Напярэдадні, 7 кастрычніка, у Остроленцы 19-гадовы вучань напаў з нажом каля Завадзкага комплексу прафэсійных школ №4. Пацярпелі некалькі чалавек.
Такім чынам, за апошнія два дні ў Мазавецкім ваяводзтве адбыліся два напады з нажом, зьвязаныя са школамі.
Спачуваем сям’і і блізкім загінулай. Жадаем хуткага выздараўленьня ўсім пацярпелым.
