10 год таму, 21 лістапада 2013 году, распачаўся украінскі Майдан — Рэвалюцыя Годнасьці.
Гэтая рэвалюцыя радыкальным чынам змяніла палітычны ландшафт на постсавецкай прасторы, вырваўшы Украіну з арбіты “рускага міра” і наблізіўшы канчатковы распад расейскай імпэрыі.
Гэтыя гістарычныя падзеі не толькі канчаткова вызначылі эўрапейскі выбар Украіны, але і сталі значным штуршком для фарміраваньня сацыяльных і псіхалагічных перадумоў для стварэння грамадзянскай супольнасьці ва Украіне.
Паводле сацыёлагаў фонду «Дэмакратычныя ініцыятывы», кожны пяты дарослы грамадзянін Украіны, або амаль 10 мільёнаў, наўпрост ці ўскосна ўдзельнічаў у падзеях Еўрамайдана. У прыватнасці, у Кіеве ўдзельнічалі 5% насельніцтва краіны, у іншых гарадах і вёсках – 6%, яшчэ 9% насельніцтва дапамагалі дэманстрантам прадуктамі, рэчамі, грашыма і г.д. Майдан характарызаваўся каласальным размахам.
Актыўны ўдзел у Майдане прымалі беларусы.
На фатаздымку пад час Майдана Ян Мельнікаў, Васіль Парфенкоў
А адзін з першых загінуўшых пратэстоўцаў — беларус Міхаіл Жызьнеўскі. Куля снайпера абарвала жыццё беларуса 22 студзеня 2014 года. Міхаіл Жызнеўскі не дажыў 4 дні да свайго 26-годдзя, ён стаў другой ахвярай, забітай на Еўрамайдане ў Кіеве
У 2014 годзе прэзідэнт Украіны Пятро Парашэнка пасьмяротна ўзнагародзіў Міхаіла Жызнеўскага Ордэнам Герояў Нябеснай Сотні. У гонар загінуўшага беларуса на вуліцы Грушэўскага ў цэнтры Кіева лунае беларускі нацыянальны сьцяг.
