1 лістапада, да Дня памяці памерлых беларуская супольнасць традыцыйна зьбіраецца на могілках у Лёвене, Бэлгія, каля магілы вядомага беларускага кампазітара Міколы Равенскага — аўтара музыкі да малітвы «Магутны Божа».
Тут адбываецца шэсьце і супольная малітва — малебен за ўсіх памерлых, за тых, хто адышоў у іншы свет. Мы ўшаноўваем памяць родных, блізкіх і ўсіх, хто змагаўся за Беларусь і беларускую культуру.
Гэта дзень спыніць час, успомніць, падзякаваць і захаваць сувязь пакаленьняў праз малітву, памяць і духоўную еднасьць.
