Міністэрства фінансаў ЗША афіцыйна выключыла «Белавію» з санкцыйнага сьпісу асоб і кампаній, зь якімі забаронена супрацоўніцтва.
Таксама былі спыненыя і іншыя авіяцыйныя санкцыі. Прыбраны з санкцыйнага сьпісу самалёт CRJ-200ER з нумарам EW-301PJ, а Мініфін ЗША выдаў ліцэнзію на апэрацыі з трыма самалётамі, якія раней былі пад санкцыямі: EW-001PA, EW-001PB і EW-001PH.
У ліцэнзіі пазначана, што яны могуць выкарыстоўвацца Аляксандрам Лукашэнкам або кампаніяй «Слаўкалій».
