Партыі «Альтэрнатыва для Германіі» (АдГ) і BSW у ляндтагу Саксоніі-Ангальт унеслі супольную прапанову спыніць пастаўкі зброі і фінансавую дапамогу Ўкраіне, а таксама адмяніць санкцыі супраць Расеі.
У дакумэнце гаворыцца, што санкцыйная палітыка і падтрымка Ўкраіны «зазналі няўдачу». Партыі заклікаюць перайсьці да мірных перамоваў.
Заснавальніца BSW Сара Ваґенкнехт заявіла, што гэта «сыгнал мірнай палітыкі» і заклік да фэдэральнага ўраду весьці дыялёг з Масквой, а не эскаляваць канфлікт.
Спэцыяльнае паседжаньне ляндтагу па гэтым пытаньні прызначанае на 14 кастрычніка.
