У ноч на 9 кастрычніка ў расейскай Калузе быў атакаваны яшчэ адзін дата-цэнтар «Яндэксу». Паводле паведамленьняў расейскіх СМІ, некалькі ягоных модуляў былі цалкам выведзеныя з ладу.
Напярэдадні, 8 кастрычніка, дроны атакавалі дата-цэнтар «Яндэксу» ў горадзе Сасава Разанскай вобласьці. Там пачаўся пажар, а працу ўсяго цэнтру спынілі. Кампанія заявіла, што пакуль ня можа пацьвердзіць магчымасьць аднаўленьня пашкоджанага абсталяваньня.
Наступствы атакі на Сасава: перабоі закранулі ня толькі сэрвісы «Яндэксу», але і іншыя расейскія інтэрнэт-рэсурсы, банкаўскія праграмы ды сайты. Частка сэрвісаў часова перастала працаваць або працавала з праблемамі.
Такім чынам, за два дні зьявіліся паведамленьні пра пашкоджаньне двух дата-цэнтраў «Яндэксу».
Аднак маштаб шкоды ў Калузе і ступень пашкоджаньня абсталяваньня пакуль патрабуюць незалежнага пацьверджаньня.
