Цэнтральнае статыстычнае ўпраўленьне Латвіі (ЦСУ) апублікавала зьвесткі пра 171 прадпрыемства, якое ў ліпені гандлявала з Расеяй і/ці Беларусьсю. Паводле аналізу LETA на аснове дадзеных Firmas.lv, большасьць зь іх працуе ў лягістыцы, харчовай і мэдычнай галінах.
55 кампаніяў займаюцца перавозкамі і лягістыкай, 44 — харчовымі або сельскагаспадарчымі таварамі, яшчэ 17 — мэдычнымі таварамі і абсталяваньнем. Пры гэтым пераважаюць невялікія прадпрыемствы: у 48 зь іх абарот у 2025 годзе быў меншым за €1 млн.
Найбуйнейшая кампанія ў сьпісе — Avrora Baltic, аптовы гандляр сельгаспрадукцыяй з абаротам €233 млн у 2025 годзе. Сярод іншых буйных фігурантаў — фармацэўтычныя Grindeks і Olpha, а таксама кампаніі ў сфэрах сельскай гаспадаркі, лягістыкі і харчаваньня.
Сярод бэнэфіцыяраў 131 кампаніі — грамадзяне Латвіі; грамадзяне Беларусі зьяўляюцца бэнэфіцыярамі пяці кампаніяў, Расеі — васьмі.
Паводле ЦСУ, сьпіс цяпер будзе абнаўляцца штомесяц.
