26 траўня у беларускім Доме ў Варшаве адбылася вечарына памяці забітага ў турме палітвязьня Вітольда Ашурка. Каб ушанаваць памяць Вітольда выступілі ягоныя сябры і сваякі, а таксама беларускія палітыкі і грамадскія дзеячы. Некаторыя са сьведчанняў прагучалі упершыню.
Распачалася сустрэча з выступу брата Вітольда — Андрэя Ашурка. Андрэй падзяліўся сваімі ўспамінамі пра роднага брата і запэўніў, што памяць аб ім будзе жыць у беларусах, а карнікі будуць пакараныя.
Брат Вітольда Ашурка – Андрэй.
Далей слова перадалі Вользе Быкоўскай — сяброўке В.Ашурка, якая ініцыявала і арганізавала вечарыну памяці.
“Вітольд – перадусім для мяне быў сябрам, але хіба у гісторыю ён войдзе ,як чалавек,які любіў Беларусь і памёр за яе, загінуў, быў закатаваны, забіты. Ужо трэці год мы збіраемся у Варшаве, каб узгадаць яго. Аднойчы, я спадзяючя, гэта мерапрыемства перамесьціцца у Беларусь” – сказала Вольга.
Вольга Быкоўская — сяброўка В.Ашурка, арганізатар вечарыны памяці.
Вольга Быкоўская прыгадала, як апошні раз бачылася, а потым, перапісвалася з Вітольдам, калі той апынуўся ў турме.
Палітык Зянон Пазьняк, як ён прызнаўся, не быў асабіста знаёмым з Вітольдам Ашуркам, але ведае яго сяброў. Са сьведчаньняў сяброў і таго,што Зянон Станіслававіч ведае зь іншых крыніц пра Вітольда, палітык перакананы, што забіты быў шчырым беларусам і Беларусь згубіла адданага Бацькаўшчыне палітыка і будучага нацыянальнага лідэра.
у 30-я гады беларусаў зьнішчалі як “врагов народа”, але тое,што адбываецца зараз — беларусаў адкрыта зьнішчаюць за тое,што яны беларусы
Зянон Пазьняк заклікаў беларусаў браць прыклад з Вітольда Ашурка — захоўваць сваю ідэнтычнасьць , шанаваць беларускія нацыянальныя каштоўнасьці і , перадусім, мову. “Беларусы –гэта народ а народ жыве пакаленьнямі а тыя злачынцы, што чыняць гвалт над беларусамі – жывуць сваім жыцьцём, яны не вечныя і іх не стане” — дадаў Пазьняк.
такія людзі, як вітольд, будуць вечна на сьцягах гісторыі беларусі.
Зянон Пазьняк на вечары памяці Вітольда Ашурка
Актывіст з Ліды, сябра “Вольнай Беларусі”, Сяргей Пантус прыгадаў як быў з Вітольдам Ашуркам на яго першай палітычнай акцыі — Плошчы 2010, як той быў затрыманы і адбываў свой першы тэрмін. Не гледзячы на затрыманьні і перасьлед, Вітольд казаў Сяргею, што не будзе з’язжаць з Беларусі, бо павінен быць там.
Куды я паеду? Я павінен быць тут
Сябра В.Ашурка — Сяргей Пантус
Сябра Вітольда Ашурка Юрась Дзяшук прадаставіў залі магчымасьць паслухаць голас загінулага героя. Як журналіст, Юрась рабіў запісы камэнтароў Вітальда Ашурка па бягучым падзеям у Беларусі.
Выступіў таксама першы палітвязень у Беларусі, палітык Вячаслаў Сіўчык. Ён заклікаў беларусаў маштабна адзначаць дзень палітвязьняў – 21 траўня, памятаць сваіх герояў, асабліва забітых у турме.
Вячаслаў Сіўчык на вечарыне памяці В.Ашурка
На вечарыне ўпершыню за межамі Беларусі выступіў лідскі бард, сябра Вітольда – Сяргей Чарняк. Спадар Сяргей прыгадаў некаторыя моманты знаёмства з Вітольдам, у прыватнасьці, распавёў, як віншаваў сьпевамі Вітольда з 50-годздзем пад сьценамі Акрэсьціна, дзе Вітольд адбываў свой тэрмін.
Сябра Вітольда Ашурка, бард з г.Ліды, Сяргей Чарняк
21 траўня, тры гады таму, ў шклоўскай калоніі №17 пры нявысьветленых абставінах загінуў палітвязень, актывіст з Бярозаўкі Вітольд Ашурак. У знак памяці 21 траўня адзначаецца як Дзень салідарнасьці з палітвязьнямі.
