Беларускаму добраахвотніку з пазыўным “Мыш” было тады 49 гадоў.
Міраслаў Лазоўскі нарадзіўся у 1973 годзе ў Менску, быў адным са стваральнікаў «Белага легіёну» – ваенізаванай патрыятычнай арганізацыі, мэтай якой была дапрызыўная падрыхтоўка моладзі. Пазьней займаўся распаўсюдам беларускіх кніг. Улады Беларусі безупынна перасьледавалі Лазоўскага – неаднаразова затрымлівалі, засуджавалі ды зьбівалі.
У першыя дні паўнамаштабнай вайны ва Украіне Міраслаў паехаў беларускім добраахвотнікам на яе абарону. 16 траўня 2023 года Міраслаў Лазоўскі загінуў, прыкрываючы параненых, недалёка ад Бахмута.
У гэты дзень узгадайма героя: паглядзіце фільм пра М.Лазоўскага, наведайце вечарыну памяці ў Вільні
