У Польшчы супрацоўнікі Агенцтва ўнутранай бясьпекі Польшчы (ABW) правялі ператрусы ў прарасейскіх актывістаў
Як паведамляе польская ініцыятыва «Цэнтр маніторынгу расісцкіх і ксенафобскіх паводзін», 11 студзеня ў 6.00 раніцы група з афіцэраў ABW, якія дзейнічаюць пад наглядам Дэпартамента вайсковых спраў Акруговай пракуратуры ў Варшаве наведалі кватэры актывістаў, зьвязаных з прарасейскімі фашыстцкімі арганізацыямі «Kamractwа» і “Bronimy Munduru dla przyszłych pokoleń” (пераклад – “Баронім мундзіры для будучых пакаленьняў”).
Справа зьвязаная з будаўніцтвам сеткі г.зв “антыпрышчэпачнікаў”, “антывакцынальных актывістаў”, чальцы якой вярбавалі да супрацоўніцтва жаўнераў Войска Польскага пад выглядам удзелу ў антыпрышчэпачных таварыствах.
Заангажаваных такім чынам жаўнераў заахвочвалі нападаць на сваіх камандзіраў і весьці дыверсійную дзейнасьць супраць польскага войска.
У каго прайшлі ператрусы? Што вядома пра гэтых людзей?
– Шчэпан Кшэвіцкі (Szczepan Krzewicki), агрэсіўны патастрымер, як піша «Цэнтр маніторынгу расісцкіх і ксенафобскіх паводзін», звязаны з правакатарам, засланым у Польшчу беларускім КДБ.
У сваіх стрымах Шчэпан Кшэвіцкі абражае людзей яўрэйскага паходжаньня і, як прыклад, ўсхваляе злачынныя дзеяньні, здзейсненыя ультраправым дэпутатам Гжэгажам Браўнам у Сейме Рэспублікі Польшча .
– Ёвіта Кошына-Сумара (Jowita Koszyn-Sumara), стрымер, палітык “Канфедэрацыі”. Вядомая тым, што публічна падтрымала агрэсіўнага злачынцу Марэка Майхера, які быў арыштаваны за гвалт над маладой жанчынай і дзіцем у Кентах.
– Якуб Кусьпіт (Jakub Kuśpit) — лідэр арганізацыі «Абаронім мундзіры», якая вылучаецца сваімі прарасейскімі натроямі.
– Аляксандар Сяргей (Aleksander Siergiej) — актывіст арганізацыі «Абаронім мундзіры», які вярбаваў жаўнераў у антыпольскую арганізацыю і быў адказным за медыйныя кампаніі супраць Польскай дзяржавы.
– Катажына Тарнава-Гвуздзь – юрысконсультантка, звязаная з антыпольскімі коламі прапуцінскіх фашыстаў і актывістаў супраць вакцынаваньня, таксама мела сувязі з арганізацыяй «Мы абараняем мундзіры»
Усе вышэйпералічаныя асобы мелі дачыненьне і да падпаручніка Шымона Фіяла, чальца адкрыта прапуцінскай і фашысцкай арганізацыі «Камрацтва».
Жаўнераў, якіх спрабавалі вербаваць, падштурхоўвалі да нападу на сваіх камандзіраў і правядзення дыверсіяў у польскім войску.
Супрацоўнікі ABW канфіскавалі кампутары, тэлефоны і носьбіты інфармацыі ў кватэрах, у якіх праводзілі ператрусы. У адной з кватэр таксама знайшлі радыёаматарскую апаратуру, з дапамогай якой можна было звязвацца з куратарамі з Расеі і Беларусі.
Пасьляслоўе
Фатаграфіі з адкрытага доступу (Інтарнэт) плакатаў і сымболікі арганізацыі Kamractwa:
Лідар “Камрацтва” Войцэх Альшанскі у Кракаве з нацысткім ваенным крыжом на плячы.
