Рэспубліканцы раскрытыкавалі адміністрацыю прэзідэнта ЗША Джо Байдэна за недастатковую дапамогу Украіне і запатрабавалі рашучых дзеяньняў.
Дакумент абнародавалі тры камітэты Палаты прадстаўнікоў Кангрэса, якія ўзначальваюць прадстаўнікі Рэспубліканскай партыі. Мэта дакумэнта – “адказаць на крытычныя пытаньні аб падтрымцы Украіны з боку ЗША і іх саюзнікаў і прадставіць план перамогі, у якім мы выйграем, а Расея прайграе”. На 28 старонках дакумэнты выкладзена пяць разьдзелаў:
- “Пагроза”
- “Прапанаваны план перамогі”
- “Нагляд”
- “Размеркаваньне падтрымкі”
- “Храналогія сьмяротных затрымак з прадастаўленьнем зброі Украіне ад Байдэна “
вокладка дакумэнту з калектыўным фота сучасных дыктатараў: Уладзімера Пуціна, Сі Цзіньпіна, Алі Хаменеі і Аляксандра Лукашэнкі
Расея і альянс, які складаецца з Кітая, Ірана і яго проксі (такіх як Хамас і Хезбала) і Паўночнай Карэі, працуюць разам, каб падарваць амэрыканскія інтарэсы ва ўсім свеце, гаворыцца ў дакумэнце.
«Іх мэта — аслабіць эканоміку ЗША, разарваць ключавыя саюзы і ўсталяваць новы сусветны парадак таталітарызму», — лічаць аўтары плана.
«З часоў Другой сусветнай вайны Злучаныя Штаты не сутыкаліся з больш небясьпечным наборам праціўнікаў». Старшыні камітэтаў адзначаюць, што Кангрэс ЗША нясе адказнасьць за абарону свабоды ад такіх краін, як Расея, Кітай і Іран: «Шмат хто пытаўся, чаму мы павінны падтрымліваць Украіну, і даклад не толькі адказвае на гэтыя пытаньні, ён таксама дае інфармацыю … для нашых выбаршчыкаў — чаму патрэбная наша падтрымка». «Мантра Байдэна аб падтрымцы Украіны «колькі заўгодна» — пройгрышная стратэгія», — лічаць яны.
Рэспубліканцы ў Палаце прадстаўнікоў настойваюць на тым, што Байдэн павінен прадставіць варты даверу план перамогі і даць Украіне зброю, неабходную для яе дасягненьня, як мага хутчэй, таму што любая затрымка азначае жыцьцё ўкраінцаў і амэрыканскіх падаткаплацельшчыкаў.
Шлях да перамогі Украіны:
па-першае, у хуткім забеспячэньні яе крытычна важнай зброяй;
па-другое, узмацненьне жорсткасьці санкцый супраць рэжыму Пуціна;
па-трэцяе, перадача Украіне 300 мільярдаў замарожаных расейскіх суверэнных актываў.
Акрамя таго, кангрэсмены ўказалі на неабходнасьць маніторынгу амерыканскай дапамогі. Яны ўпэўненыя, што перамога Украіны «прадухіліць расейскае ўварваньне ў краіны НАТА, якое было б невымерна даражэй з пункту гледжаньня амэрыканскай крыві і рэсурсаў».
«Пасьля катастрафічнага вываду войскаў прэзідэнта Байдэна з Афганістана падтрымка Украіны ў барацьбе зь сіламі Пуціна мае вырашальнае значэньне для аднаўленьня амэрыканскага стрымліваньня ў Эўропе, на Блізкім Усходзе і ў Інда-Ціхаакіянскім рэгіёне», — заявілі кіраўнікі камітэтаў Палаты прадстаўнікоў.
Амэрыканскія палітыкі лічаць, што дакумэнт «дасьць Украіне магчымасьць дасягнуць неабходных посьпехаў на полі бою, каб прымусіць Пуціна сесьці за стол перамоваў».
