Каля пяці тысяч чалавек сабраліся каля суда, дзе павінен быў адбыцца працэс над мясцовым актывістам Фаілем Алсынавым. Актывіста абвінавачваюць у “экстрэмізме”. Падчас пратэстаў натоўп скандаваў лёзунгі на башкірскай мове, заклікаў да адстаўкі губернатара.
Алсынаў — адзін з найбольш вядомых грамадскіх дзеячоў Башкартастана. Ён актыўна выступаў супраць здабычы вапны на шыхане (гары) Куштау, якая магла прывесьці да зьнішчэньня гэтага мясцовага помніка прыроды.
Падчас пратэстаў супраць золатаздыбычы ў 2023 годзе ён па-башкірску выступіў з прамовай, у якой між іншага былі словы: “Рускіе з’едуць у сваю Разань. А мы не зможам перасяліцца, у нас няма іншага дому”.
Супраць актывіста была заведзеная справа за “экстрэмізм”. 15-га студзеня павінен быў адбыцца суд, але ўлады вымушаныя былі яго перанесьці з-за пратэстаў.
