Усплёск антысеміцкіх інцыдэнтаў па ўсёй Еўропе за апошнія некалькі дзён дасягнуў незвычайнага ўзроўню, нагадваючы некаторыя з самых змрочных часоў у гісторыі. Эўрапейскія габрэі сёньня зноў жывуць у страху. Так адкрываецца дакумэнт-заява Эўрапейскай камісіі, апублікаваны 5 лістапада.
“Мы назіраем адраджэньне антысеміцкіх інцыдэнтаў і рыторыкі ў Еўрапейскім Саюзе і ва ўсім сьвеце” – працягваецца ў заяве. Узгадваецца закіданая кактэйлямі Молатава сінагога ў Нямеччыне, намаляваныя на жылых дамах ў Францыі зоркі Давіда, апаганеныя габрэйскія могілкі ў Аўстрыі, атакаваныя яўрэйскія крамы і сінагогі ў Іспаніі, а таксама скандаваньне дэманстрантамі лозунгаў нянавісьці да габрэяў падчас мітынгаў у розных краінах Эўропы.
Судмедэксперты каля пашкоджаннага вагнём зьнешняга мура Сінагогі у горадзе Ульм, Нямеччына
Эўракамісія рашуша асудзіла гэтыя дзеяньні і паабяцала “абараняць дабрабыт усіх супольнасьцей, этнічных, рэлігійных і іншых”. У барацьбе з такімі інцыдэнтамі будзе выкарастана заканадаўства ЕС, якое прадугледжвае крымінальную адказнасьць за публічнае падбухторваньне да нянавісьці і гвалту.
У супрацоўніцтве з дзяржавамі-членамі Эўракаміся працягне узмацняць меры бясьпекі. Было павялічына фінансаваньне ЕС для абароны месцаў культу і іншых памяшканьняў.
Таксама ўзмацніцца маніторынг Інтэрнэту: абазначана неабходнасьць хутка і эфектыўна рэагаваць на антысеміцкі або антымусульманскі кантэнт у Інтэрнэце, мову нянавісьці або дэзінфармацыю.
“Мы павінны супрацьстаяць гэтаму росту антысемітызму, а таксама росту антымусульманскай нянавісьці, сьведкамі якога мы сталі апошнія тыдні, І якому няма месца ў Эўропе”
Нагадаем, што на яўрэйскай частцы Цэнтральных могілак Вены невядомыя падпалілі залу цырымоній, а вонкавыя сцены намалявалі нацысцкай сімволікай.
29 кастрычніка ў Дагестане прайшлі антысеміцкія акцыі пратэсту. Мясцовыя жыхары зладзілі «паляваньне» на ізраільцян. Сустракаць рэйс з Ізраіля ў аэрапорце Махачкалы сабраліся сотні людзей.
Раз’юшаны натоўп атачыў самалёт, які прызямліўся у аэрапорт Махачкалы (фота з сацсетак)
