Служба Дзяржаўнай Бясьпекі Грузіі паведаміла, што расейскія ваенные расстралялі аднаго грамадзяніна Грузіі і захапілі другога каля лініі акупацыі ля вёскі Кірбалі (96 км ад Тбілісі).
Здарэньне адбылося пасьля незаконнай спробы расейскімі акупантамі затрымаць цывільных жыхароў.
З тэрміновымі заявамі выступілі прэзідэнт і прэмьер-міністр краіны.
“Я заклікаю міжнародную супольнасьць неадкладна асудзіць дзеяньні Расеі, якая груба і бессаромна парушыла ўсе міжнародныя нормы” — прэзідэнт Грузіі Саломе Зурабішвілі.
“Грамадзянін Грузіі быў забіты ў выніку стральбы з вагняпальнай зброі прадстаўнікамі расейскіх акупацыйных сілаў пры спробе яго незаконнага арышту” — прэмьер-міністр Іраклі Гарыбашвілі
