У ноч з 5 на 6 лістапада расейская армія здзейсніла камбінаваную атакуна Адэсу. Расейцы бамбілі горад ракетамі і ўдарнымі беспілотнікамі. ГРУ Украіны паведамляе, што вораг цэліў на партовую інфраструктуру. Агулам было выпушчана 6 ракет розных тыпаў і 22 «шахеды».
У выніку расейскага абстрэлу быў пашкоджаны помнік ЮНЭСКА — Адэскі нацыянальны мастацкі музэй. Былі пашкоджаныя сьцены і выбітыя шыбы. Пяць чалавек атрымалі раненьні.
Дарэчы, 6 лістапада Адэскаму нацыянальнаму мастацкаму музею спаўняецца 124 гады.
“Менавіта ў ноч на 6 лістапада расейцы «павіншавалі» наш помнік архітэктуры ракетай, якая трапіла побач. У будынку пашкоджаныя сцены, у некаторых выбітыя вокны і шкло. Вядуцца работы па абследаваньні і ліквідацыі пашкоджаньняў яшчэ на адным аб’екце ў зоне Сусветнай спадчыны ЮНЕСКА” – паведаміў кіраўнік Адэскай ОВА Алег Кіпер.
Акрамя мастацкага музэя былі пашкоджаныя некалькі шматпавярховых дамоў, памяшканьні ў прамысловай зоне, склады, спецразгрузачная тэхніка, збожжавозы.
