Зарына Канапацкая — выбітны навуковец і гісторык. Спадарыня Канапацкая працавала старшым навуковым супрацоўнікам Інстытута гісторыі НАН і рыхтавала манаграфію пра беларускіх татараў. Гісторыя і культура беларускіх татараў зьяўляецца сфэрай навуковай працы вучонай. Сама яна – дачка Ібрагіма Канапацкага, аднаго з лідараў беларускіх татараў.
На «пакаяльным відэа» жанчына кажа, што «займалася выключна сваёй навуковай дзейнасьцю, скончыла дактарантуру і рыхтавала ўжо да абароны манаграфію па тэматыцы аб беларускіх татарах. Вінаватая ў тым, што была падпісаная на “экстрэмісцкія” каналы і знаёмілася зь іх зьместам».
Вучоную прымусілі прызнацца, што яна падпісаная на чат-бот Перамога і што рабіла здымкі на фоне бел-чырвона-белага сьцяга.
