У суботу, 7 кастрычніка, непадалёк ад Джанкоя загінуў 21 чалавек, 16 атрымалі раненьні (усе — спецназаўцы Галоўнага ўпраўлення Генштаба (ГРУ).
Пра гэта паведамляюць украінскія медыя са спасылкай на Telegram-канал “Кремлевская табакерка”. Удар нібыта быў нанесены ўкраінскай ракетай С-200.
Каля Джанкоя дзейнічаў лягер элітнага расейскага спэцназу. Паводле зьвестак Telegram-канала, у гэтым месцы яны жылі і трэніраваліся, езьдзілі на камандзіроўкі ў Запарожскую і Херсонскую вобласці.
Аб’ект быў засакрэчаны. Базу акупанты замаскіравалі пад звычайную гаспадарчую пабудову.
Расейцы падазраюць, што ў іх шэрагах зьявіўся здраднік, бо дзеяньні вяліся таемна. Акупанты па-ранейшаму лічаць найбольш верагоднай вэрсію, што нехта зь мясцовых жыхароў перадаў інфармацыю пра месцазнаходжаньне Сілам абароны Ўкраіны.
