На фестывалі Lidbeer увечары 2 верасьня затрымалі дваіх мужчын за лёзунг “Жыве Беларусь!”.
«Каля Дома культуры ў зоне размяшчэньня намётаў і столікаў для кліентаў імпрэзы ад двух мужчын пачулася «Жыве Беларусь!». Адразу ж выбеглі міліцыянты, знайшлі «злосных парушальнікаў» парадку, затрымалі і даставілі ў мясцовы РАУС.
Адзін зь іх вярнуўся без прысуду і паведаміў, што іншаму прад’явілі адміністратыўнае парушэньне арт. 24.23 КаАП (Парушэнне парадку арганізацыі або правядзеньня масавых мерапрыемстваў) і будзе 500 рублёў штрафу».
Адзначым, што лёзунг “Жыве Беларусь” гістарычна засьведчаны. Ён зьявіўся на пачатку 20 ст. у асяродку змагароў за незалежнасьць. Гэтымі словамі скончваецца знакаміты верш Янкі Купалы “Гэта крык, што жыве Беларусь”.
