Пантыфіку выдалілі ніжнюю долю правага лёгкага. Гісталягічнае дасьледаваньне пацьвердзіла дыягназ адэнакарцыномы лёгкага, паведамляе Заля Друку Сьвятога Пасаду.
Адэнакарцынома — гэта разнавіднасьць злаякаснай пухліны, якая разьвіваецца з жалезістых клетак. У лёгкіх яна належыць да найбольш распаўсюджаных тыпаў раку. Гісталягічнае дасьледаваньне дазваляе вызначыць тып пухліны, вывучаючы ўзор тканкі пад мікраскопам.
Сам па сабе гэты дыягназ не дазваляе вызначыць стадыю захворваньня або прагноз. Для гэтага патрэбныя дадатковыя клінічныя зьвесткі.
