Як стала вядома беларускім праваабаронцам, 17 жніўня так званая «судьдзя» Зінаіда Балаболава прызнала жыхара Наваполацку вінаватым у пікетаваньні ўкраінскім сьцягам і асудзіла яго да 15 содняў арышту.
Насамрэч навапалачанін быў у адпачынку ў Грузіі ды зрабіў здымак на памяць. Публікацыя зьявілася на яго асабістай старонцы сацсеткі 8 жніўня 2021 года.
Міліцыянты заўважылі здымак толькі праз два гады ды затрымалі мужчыну. Паводле пратакола “справы”, мужчына “ў перыяд часу з 8 жніўня 2021 года па 12:00 11 ліпеня 2023 года правёў несанкцыянаванае пікетаванне, выказваючы грамадска-палітычныя, асабістыя і іншыя інтарэсы, шляхам апублікавання ў агульным доступе на сваёй старонцы ў Instagram для азнаямлення іншымі карыстальнікамі фотаздымку сябе і выявы палатніны сіне-жоўтага колеру”.
Мужчыну абвінавацілі паводле арт. 24.23 КаАП (несанкцыянаванае пікетаваньне).
