Дзякуючы падтрымцы грамадзянскага крыла Патранатажнай службы БДК (https://t.me/BDK022), у Пастанову Праўленьня Нацыянальнага банка Украіны № 53 ад 9 траўня 2025 года былі ўнесены важныя зьмены.
Цяпер беларускія дабраахвотнікі, якія служаць ці служылі ва Узброеных сілах Украіны або Нацыянальнай гвардыі, могуць:
- адкрываць рахункі ва ўкраінскіх банках без узгадненьня з СБУ, падаючы толькі пацьвярджальныя дакумэнты: ваенны білет, выпіску з пасьведчаньня аб вайсковай службе або кантракт з адзнакай аб звальненьні;
- атрымліваць пераводы:
– у грыўнях ад фізічных і юрыдычных асоб Украіны,
– у замежнай валюце з-за мяжы (акрамя РФ і Беларусі) ў якасьці дабрачыннай дапамогі або асабістых пераводаў.
