Яе паведамляе ASTRA, 49-гадовага Мікалая Аляксеева забілі 6 сакавіка ў Аланецкім раёне рэспублікі Карэлія. Алексееў — актывіст з Беларусі, удзельнік пратэстаў 2020 года. Па папярэдніх дадзеных, мужчыну забілі супрацоўнікі ФСБ.
Паводле ASTRA, па афіцыйнай вэрсіі расейскага сьледства, Алексееў нібыта аказваў супраціў пры затрыманьні і быў забіты. Затрымлівалі мужчыну ў рамках крымінальнай справы аб «падрыхтоўцы да тэракту» (ч. 1 ст. 30 ч. 1 ст. 205 УК РФ), якое на Аляксеева ўзбудзілі ў Карэліі ў той жа дзень. Падстава – па вэрсіі расейскага сьледства, Мікалай нібыта зьбіраўся падарваць адміністрацыю ў горадзе Аланец.
Пакуль гэта ўся інфармацыя, вядомая расейскаму апазіцыйнаму каналу ASTRA. Як, калі і пры якіх абставінах мужчына апынуўся ў Расеі невядома.
Мікалай Аляксееў актыўна выступаў супраць дыктатуры Лукашэнкі ў Беларусі, публікаваў фатаграфіі з пратэстаў у 2020 годзе, разьмяшчаў у сацыяльных сетках пасты аб парушэньнях правоў чалавека ў краіне.
