Асудзілі жыхара Сьветлагорскага раёна, які вывесіў украінскі сьцяг замест лукашысткага.
Як паведаляюць гомельскія праваабаронцы, “Суд” Сьветлагорскага раёна вынес прыгавор жыхару рабочага пасёлка Сасновы Бор, які ў кастрычніку мінулага года зьняў у цэнтры пасёлка лукашэнаўскі чырвона-зялёны сьцяг і замест яго вывесіў украінскі.
41-гадовы Валерый Самсоненка атрымаў 1 год пазбаўленьня волі ў калоніі агульнага рэжыму па артыкулу 370 Крымінальнага кодэкса – зьдзек з дзяржаўных сімвалаў. Артыкул прадугледжвае да 3 гадоў пазбаўленьня волі. Справу разглядала “судзьдзя” Касьянава К. Д.
У ноч з 13 на 14 кастрычніка 2023 г. у цэнтры Сасновага Бору быў зьняты з флагштока і выкінуты ў сьметніцу афіцыйны чырвона-зялёны сцяг, а на яго месца прымацаваны сьцяг Украіны. Чалавек, які зрабіў гэта, быў затрыманы па запісу камеры відэаназіраньня, усталяванай на будынку сельсавета. В. Самсоненка раней працаваў у Сьветлагорскім раённым адзьдзеле па надзвычайных сітуацыях, але звольніўся адтуль.
