Былога дабраахвотніка Юрыя Гарупу (псэўданім “Хмель”), затрымала ўкраінская паліцыя ў горадзе Хмельніцкім. Пры ім было знойдзена 300 грамаў моцнадзеючага наркатычнага рэчыва Альфа-PVP, больш вядомага як “солі”.
“Хмель” раней зьяўляўся ў СМІ, але не як злачынца, а як “аблічальнік”. У інтэрв’ю Эўрарадыё Гарупа абвінавачваў кіраўніцтва палка імя Кастуся Каліноўскага (раней ён там служыў) у вымаганьні грошаў і шантажы, а таксама ў нядбалых адносінах да параненых. Баец сьцвярджаў, што праз гэта ён перайшоў у іншае падраздзяленьне. Прыводзім цытату Хмеля з інтэрв’ю Эўрарадыё: “ПКК — это “Беларусь”, в которой ты ходишь и боишься слово сказать. Разница только в том, что недовольных не арестуют, а обзовут алкоголиком, наркоманом и отправят “на клубнику в Польшу”.
Як нам паведамілі ўласныя крыніцы, блізкія да Палка, ужо на той момант у “Хмеля” былі праблемы з наркотыкамі і алкаголем. З гэтых прычынаў ўзьнікалі бясконцыя канфлікты з кіраўніцтвам, што прывяло да яго сыходу з ПКК.
Паводле нашых дадзеных, калі Гарупа ілгаў у СМІ пра кіраўніцтва падраздзяленьня, Полк не даваў публічнасьці інфармацыі аб яго залежнасьцях, каб не псаваць “Хмелю” жыцьцё і не пляміць сваю рэпутацыю.
Цяпер беларусу пагражае да 12 гадоў зьняволеньня за “незаконнае захаваньне, перавозку наркатычных сродкаў”.
Ня ўсім “героям” і “выкрывальнікам” у СМІ можна верыць.
