21 студзеня 1990 года ва Украіне адбылася акцыя “Жывы ланцуг”.
Сімвалічны ланцуг Злучэньня «Украінская Хваля» ад Кіева да Львова – сімвал еднасьці ўсходніх і заходніх земляў Украіны.
Гэтая акцыя стала адным са сьведчаньняў таго, што ўкраінскі народ пераадолеў страх перад камуністычным рэжымам і гатовы дэманстраваць сваю нязгоду з палітыкай камуністычнай партыі.
Даўжыня ланцуга з рук людзей перавысіла 770 кіламетраў. Паводле афіцыйных даных, да акцыі далучылася каля 450 тысяч чалавек, а паводле неафіцыйных — ад 1 да 5 мільёнаў.
Ланцуг пачынаўся ў Івана-Франкоўску ад Цэнтральнага Народнага Дому (былая сядзіба Сойму ЗУНР і месца прыняцьця Акту Злучэньня), ішоў праз Стрый (адсюль яго галіна ішла ў Закарпацьце), Львоў, Цярнопаль, Роўна, Жытомір — Кіеў. Пачатак сеткі ў Івана-Франкоўску звязаны з тым, што ў 1919 годзе Івана-Франкоўск (тады Станіславаў) быў сталіцай ЗУНР.
Гэта была адна зь першых масавых акцый, арганізаваных Народным Рухам Украіны. Выканаўчы орган якой – Сакратарыят – узначальваў былы палітвязень Міхаіл Горын.
