Як паведамляе афіцыйны рэсурс СБУ, пад выглядам «місіянерства» ўдзельнікі рэлігійнай сэкты апраўдвалі збройную агрэсію Расеі, публічна прасоўвалі крамлёўскую ідэю аб стварэньні «саюзу славянскіх народаў» пад кіраўніцтвам Масквы.
У выніку шматэтапнай спецаперацыі ў Кіеве і іншых рэгіёнах Украіны заблакавана падрыўная дзейнасць больш за 20 цэнтраў гэтай групоўкі.
Па данным СБУ псэўдарэлігійная сэкта мае сваі філіалы таксама ў Беларусі, некаторых краінах Эўропы, ЗША і Цэнтральнай Азіі.
Асяродкі АллатРа масава заклікалі мясцовых жыхароў далучацца да секты ды распаўсюджваць ідэі крамля. Для пошуку аднадумцоў і распаўсюду прарасейскіх поглядаў фігуранты стварылі ўласны ютуб-канал, які налічвае амаль паўмільёна карыстальнікаў.
![](https://warta.media/wp-content/uploads/2023/11/photo_2023-11-02_13-02-10-682x1024.jpg)
Таксама арганізатары АлатаРа запусцілі сетку ўласных медыя і інтэрнэт-рэсурсаў, тэлеграм-каналаў і старонак у сацсеткі «ТікТок». Там яны публікавалі прапагандысцкія «допісы» і відэа, прасоўвалі пракрэмлёўскія наратывы. У тым ліку, яны агітавалі за тое, каб расейскія аккупанты ажыццяўлялі масаваныя ракетна-бомбавыя ўдары па грамадзянскай інфраструктуры ўкраінскіх гарадоў.
На падставе сабраных доказаў кіраўніцтву і ўдзельнікам «АллатРа» службай бяспекі Украіны рыхтуецца паведамленьне аб падазрэньні па наступных артыкулах Крымінальнага кодэкса Украіны:
Ч. 1, ч. 2 арт. 111 (дзяржаўная здрада);
арт. 255 (стварэньне, кіраўніцтва злачыннай супольнасьцю або злачыннай арганізацыяй, а таксама ўдзел у іх);
арт. 436-1 (прапаганда камуністычнага таталітарнага рэжыму);
арт. 436-2 (апраўданне, прызнаньне законнай, адмаўленне ўзброенай агрэсіі РФ супраць Украіны, гераізацыя яе ўдзельнікаў).
Працягваецца праверка для ўстанаўленьня ўсіх удзельнікаў злачыннай арганізацыі і прыцягненьня іх да адказнасьці.
![](https://warta.media/wp-content/uploads/2023/11/photo_2023-11-02_12-53-35-1024x682.jpg)