Сёньня, 25 кастрычніка, Палата прадстаўнікоў Кангрэсу ЗША абрала новым сьпікерам ніжняй палаты Кангрэсу ЗША рэспубліканца Майка Джонсана. Пра гэта стала вядома па выніках галасаваньня ў Палаце прадстаўнікоў Кангрэса ЗША.
Джонсан зьяўляецца паплечнікам 45-га прэзідэнта ЗША Дональда Трампа. Ён абараняў Трампа падчас слуханьняў аб імпічменце і падтрымліваў пазоў аб адмене вынікаў выбараў 2020 года ў чатырох штатах.
Акрамя таго, Джонсан займае адкрыта антыўкраінскую пазіцыю. У траўні мінулага года Джонсан прагаласаваў супраць пакета дапамогі Украіне на 40 мільярдаў долараў. Сваю пазіцыю ён тады патлумачыў тым, што гэтыя грошы лепш выдаткаваць на ўмацаванне паўднёвай мяжы ЗША і іншыя ўнутраныя патрэбы:
«Мы не павінны адпраўляць яшчэ 40 мільярдаў даляраў за мяжу, калі на нашай уласнай мяжы хаос, амерыканскія маці спрабуюць знайсьці дзіцячую сумесь, цэны на бензін рэкордна высокія, а амерыканскія сем’і спрабуюць зьвесьці канцы з канцамі без дастатковага кантролю над тым, куды грошы пойдуць»
У першай прамове пасьля свайго абраньня, Джонсан заявіў аб непарушнай падтрымцы Ізраіля і неабходнасьці аховы паўднёвай мяжы ЗША.
Мы адновім давер да гэтага органа [Палаты прадстаўнікоў]. Мы будзем прасоўваць усёабдымную кансерватыўную палітычную праграму, змагацца са згубнай палітыкай адміністрацыі Байдэна і падтрымліваць нашых саюзнікаў за мяжой
– гаворыцца ў заяве Джонсана, зробленай неўзабаве пасля галасаваньня.
