13 кастрычніка ў Беларускім Доме (Варшава) Галіна Пазьняк правяла літаратурна-музычную вечарыну, прысьвечаную творчасьці Янкі Купалы.
Лекцыя “Схаваны Купала” адкрыла слухачам невядомыя (хутчэй, схаваныя) факты з творчасьці выбітнага беларускага паэта.
Пад час імпрэзы зачытваліся вершы і дэкламаваліся фрагмэнты з паэм “Забытая скрыпка”, “У Купальсую ноч”, “На Куцьцю”, “На папасе”. З прычыны цэнзуры ў часы савецкай акупацыі, гэтыя творы не друкаваліся ці замоўчваліся і па сёньняшні дзень для многіх зьяўляюцца невядомымі.
У дэкламацыі ўрыўкаў паэм таксама прыняў удзел Алег Лазоўскі.
Асаблівую увагу Галіна Пазьняк прысьвяціла гісторыі стварэньня рок-опэры Лучанка-Мулявіна “Гусьляр”. Спадарыня Галіна пракамэнтавала асноўныя тэмы опэры і музычныя фрагмэнты, што гучалі падчас імпрэзы.
Напрыканцы імпрэзы спадарыня Галіна заахвоціла публіку цалкам азнаёміцца з творам, рок-опэрай “Гусляр”, бо гэта ўнікальная зьява ў беларускай культуры (відэа-запіс опэры можна знайсьці ў адкрытым доступе на Ютубе).
