Два брытанскія ваеннапалонныя назвалі абыходжаньне зь імі з боку расейцаў горш, чым стаўленьне баевікоў ІДІЛ. Аб гэтым яны заявілі ў гадавіну іх вызваленьня з расейскага палону, піша The Times.
“У палоне іх прымушалі запісваць відэа ў стылі закладнікаў зь просьбай аб іх вызваленьні. Іх зьбівалі і кармілі зьедкамі. Яны спалі ў камэрах без вокнаў, запоўненых 30 зьняволенымі. Ім наносілі ўдары нажом і білі электрычным токам. Яны насілі адзеньне, пакрытае вошамі, і зь іх зьдзекаваліся, калі іх сем’і адчайна спрабавалі вызваліць іх з палону. Іх падверглі інсцэніроўцы пакараньня. Іх прымусілі сьпяваць гімн Расіі. Іх туалетам была пластыкавая бутэлька”, – піша выданьне.
Зараз, адзін з палонных, Джон Хардынг пакутуе ад посттраўматычнага стрэсавага засмучэньня. Такі ж сіндром маюць і астатнія былыя палонныя.
Times піша, што ў выніку аднаго са зьбіцьцёў ў Хардынга былі зламаныя хвасцец і ўсе рэбры грудзей.
Мужчына апісвае тое зьбіцьце наступным чынам: “Аднойчы мяне пасадзілі ў камеру. Спусціліся чацвёра хлопцаў, адчынілі дзьверы камэры, надзелі мне на галаву мяшок, выцягнулі і зьбівалі 20-25 хвілін. Яны не задалі мне ніводнага пытаньня. Ім не патрэбна была ніякая інфармацыя “.
Да прыезду ва Украіну ён добраахвотна ўдзельнічаў у барацьбе зь баевікамі ІДІЛ.
“Я б сказаў, што жорсткасць расейскай рэгулярнай арміі горшая, чым у ІДІЛ, – сказаў Джон. – Я быў у Сірыі, змагаючыся супраць ІДІЛ, і расейская армія выставіла ІДІЛ купкай чортавых байскаўтаў. Мне спатрэбіўся некаторы час, каб усьвядоміць гэта”.
