У апошнія месяцы адбываецца інтэнсіўная падрыхтоўка да перамоўнага працэсу аб заключэньні міру паміж Расеяй і Украінай. Прадстаўленыя праекты паказваюць, што прыярытэтам перамоваў зьяўляецца спыненьне ваенных дзеяньняў і ўвядзеньне сістэмы гарантыяў для Украіны. Сытуацыя паказвае, што перамовы будуць працягвацца з удакладненьнем пазыцыяў бакоў, якія ў той ці іншай ступені ўцягнутыя ў вайну.
У 2022 гозе Расея пад выглядам сумесных вайсковых вучэньняў увяла ў Беларусь свае войскі і напала на Украіну, скарыстаўшы залежнасьць ад Масквы дыктатарскага рэжыма Лукашэнкі. Па сёньняшні дзень Рэспубліка Беларусь застаецца залежным стратэгічным рэсурсам Расеі, што дае магчымасьць Маскве выкарыстоўваць яе як крыніцу небясьпекі ў рэгіёне.
На жаль, у перамоўных праектах ня ўлічаны істотны факт, а менавіта, прысутнасьць расейскага акупацыйнага войска і расейскай ядзернай зброі ў Беларусі. З улікам дадзенай сітуацыі, нельга выключаць, што з тэрыторыі Беларусі Масква можа стварыць пагрозу новай расейскай агрэсіі. Гэта патэнцыйна небясьпечная магчымасьць ня ўлічана ў праектах мірных ініцыятываў.
Мы зьвяртаем увагу, што для гарантыяў міру і бясьпекі ў рэгіёне ў мірнае пагадненьне патрэбна уключыць пункт аб вывадзе расейскай атамнай зброі і расейскага войска зь Беларусі.
Зянон Пазьняк
Павел Усаў
Юры Беленькі
Ад Беларускага Нацыянальна-Вызвольнага Руху
“Вольная Беларусь”
4 сьнежань 2025 г.
Нью Ёрк, Варшава,
Мінэа́паліс
