24 ліпеня 2024

Беларускае нацыянальнае медыя

Школе беларускай традыцыйнай культуры споўніўся год

22 верасьня ва ўтульным драўляным доміку ў Варшаве сабралася беларуская грамада, каб адзначыць год існаваньня Школы традыцыйнай беларускай культуры.

Пад час сьвяткаваньня госьці разам з заснавальнікамі школы сьпявалі песьні, танчылі, слухалі традыцыйныя музычныя інструмэнты. Большасьць гасьцей імпрэзы складалі наведвальнікі школы і гэта тлумачыла прафісіяналізм танцаў, сьпеваў ды ігры на інструмэнтах.

Усе ўдзельнікі сьвяткаваньня зьмясціліся за адным сталом, частаваліся стравамі і напоямі. Але нагода сьвята не дазваляла доўга засіджвацца за сталом. На падворку дома знаходзілася танцпляцоўка, куды госьці выходзілі парухацца ды папрактыкавацца ў танцах і забавах.

Урачыстасьць імпрэзе дадаў вялікі торт, унесены ў залю заснавальніцамі школы на пачатку сустрэчы.

Запрошаным госьцем быў вядомы музыка і этнограф Сяржук Доўгушаў, каторы ўдала заахвочваў грамаду сьпяваць застольныя і бяседныя песьні. Спадар Сяржук распаўсюдзіў сярод гасьцей сборнік “Бяседныя песьні”, выдадзены ім і калектывам Tradycyja.

Школа працуе па некалькіх накірунках: традыцыйныя танцы, сьпевы, ігра на дудзе, выраб строю. Заняткі па гэтых накірунках рэгулярна праходзяць у Варшаве.

Вартае ўвагі

Апошняе

“Лыжка дзёгцю” да юбілею Васіля Быкава

Вылілася яна ў адрас Васіля Уладзіміравіча з рук Алеся...

Ганебныя выбары, параза нацыі

Цяпер рэжымны афіцыёз, дэм-агентура, "экспэрты" ўсх масьцяў (якія тады...

ТАКТЫКА СІСТЭМНЫХ РЭПРЭСІЙ СУПРАЦЬ БЕЛАРУСАЎ З БОКУ РАСЕЙСКІХ АКУПАНТАЎ І РЭЖЫМУ ЛУКАШЭНКІ

За часы рэжыму Лукашэнкі Масква рыхтавала нацыянальнае вынішчэньне беларусаў...

Глядзіце і чытайце WARTA у сацыяльных сетках: