У горадзе Жукоўскі Маскоўскай вобласьці шпіталізавалі пяцярых чалавек — траіх мужчын і дзьвюх жанчын. Сярод іх, паводле паведамленьняў мэдыя, ёсьць грамадзянка Беларусі.
Магчымае заражэньне зьвязваюць з кантактам з носьбітам вірусу 10 кастрычніка.
Міністэрства аховы здароўя Маскоўскай вобласьці паведамляе, што стан шпіталізаваных задавальняючы, а выразных сымптомаў захворваньня не выяўлена. Расспажыўнагляд праводзіць эпідэміялягічнае расьледаваньне. Вынікі аналізаў пакуль невядомыя.
⚠️ Беларусам варта ўлічваць рызыкі для здароўя падчас паездак у Расею. На фоне паведамленьняў пра скарачэньне выдаткаў на мэдыцыну ў Расеі магчымыя праблемы з эпідэміялягічным наглядам выклікаюць занепакоенасьць. Да ўдакладненьня абставінаў варта ўважліва ацэньваць неабходнасьць паездак і сачыць за афіцыйнымі папярэджаньнямі замежных амбасадаў.
