Straż Graniczna афіцыйна паведамляе, што зь 17 верасьня 2023 года забараняецца набыцьцё, увоз або перадача ў Еўрапейскі саюз прама ці ўскосна аўтамабіляў і іншых механічных транспартных сродкаў, прызначаных пераважна для перавозкі 10 чалавек, у тым ліку легкавых і грузавых аўтамабіляў (з кузавам універсал) і гоначных аўтамабіляў, калі яны паходзяць з Расеі, або экспартуюцца з Расеі.
Пра тое, што аўтамабіль родам з Расеі, сьведчыць тое, што ён зарэгістраваны ў гэтай краіне.
Зарэгістраваныя ў Расеі транспартныя сродкі з расейскімі нумарамі, якія зь нядзелі зьявяцца на польскіх памежных пераходах, будуць вяртацца ў краіну, якая не ўваходзіць у ЭЗ, адкуль яны прыбылі, незалежна ад таго, Расея гэта ці іншая краіна. Такія дзеяньні будуць праводзіцца нават у тым выпадку, калі кіроўца аўтамабіля не з’яўляецца грамадзянінам РФ.
Такім чынам Польшча парыняла такія меры апошняй з краін Еўразвязу, якія маюць мяжу з Расеяй. Пра такое рашэньня раней заявілі Літва, Латвія, Фінляндыя ды Эстонія.
