Пасьля атакі на нафтаправод, які ідзе з усходу на захад, Саудаўская Арабія перанакіравала значную частку экспарту праз Армуз. Для гэтага выкарыстоўваюцца дадатковыя супертанкеры, а частка суднаў ідзе з выключанымі распазнавальнікамі.
Нафта таксама перагружаецца з аднаго танкера на іншы ў Аманскай затоцы, каля Сохару. Такія схемы дазваляюць танкерам хутчэй вяртацца праз Армуз па новыя грузы.
Паводле Reuters, у верасьні праз Армуз магло праходзіць каля 3,6 млн барэляў саудаўскай нафты ў суткі, што запатрабавала дадатковых 36–40 вялізных танкераў. Перавалка нафты паміж суднамі каля Аману ўжо дасягнула межаў прапускной здольнасьці.
Варта адзначыць, што ў выпадку Саудаўскай Арабіі гаворка ідзе перадусім пра «цёмныя» рэйсы з адключаным распазнавальнікам і ваенна-лагістычную схему адмысловых перавозак.
