Эстонская служба ўнутранай бясьпекі заявіла, што падпал прадпрыемства Milrem Robotics у Таліне ў ноч на 15 жніўня быў дывэрсіяй, арганізаванай на замову расейскіх спэцслужбаў.
Трох падазраваных затрымалі ў Латвіі і перадалі Эстоніі. Яны знаходзяцца пад вартай. Расея назвала абвінавачаньні «безпадстаўнымі».
Milrem Robotics распрацоўвае безпілётныя наземныя сыстэмы, у тым ліку робатаў THeMIS, якія выкарыстоўваюцца Ўкраінай.
