Прэзыдэнт ЗША Дональд Трамп заявіў, што Ўладзімір Зяленскі павінен спыніць удары па аб’ектах у Расеі, зьвязаных з вытворчасьцю дызэльнага паліва.
«Зяленскі павінен зрабіць адну рэч. Ён павінен спыніць зьнішчаць вытворчасьць дызэльнага паліва ў Расеі. Ён стварае дэфіцыт дызпаліва.
Гэта не Блізкі Ўсход. Гэта вынік таго, што адбываецца паміж Расеяй і Ўкраінай», — заявіў Трамп.
Пра гэта паведамляе 24 Канал са спасылкай на Clash Report.
Заява прагучала на фоне новых украінскіх удараў па расейскай нафтавай інфраструктуры. У ноч на 13 верасьня былі атакаваныя НПЗ «Славянскі» ў Краснадарскім краі і «ТАНЭКА» ў Татарстане. Раней, 6 верасьня, пасьля атакі спыніў працу Разанскі НПЗ «Раснафты».
