З 15 да 25 верасьня «Газпром» прыпыніць пастаўкі газу ў Армэнію праз плянавыя рамонтныя працы на газаправодзе, паведаміў Reuters са спасылкай на армянскі бок.
На гэты час недахоп плянуюць кампэнсаваць за кошт унутраных запасаў і дадатковых паставак зь Ірану. Паводле Reuters, летась каля 82% імпарту газу Армэніі прыпадала на Расею.
Армэнскі прэм’ер Нікол Пашынян раней заяўляў пра неабходнасьць дывэрсыфікацыі паставак.
«Газпром Армэнія» цалкам належыць расейскаму «Газпрому» і застаецца асноўным каналам паставак расейскага газу ў краіну.
