Беларуская чыгунка плянуе сёлета набыць 30 пасажырскіх і 100 грузавых вагонаў. Першыя 15 пасажырскіх вагонаў паставяць да 1 верасьня і накіруюць на маршрут Менск — Масква. Таксама прапрацоўваецца чыгуначнае злучэньне Магілёва і Гомеля з суседнімі рэгіёнамі Расеі, паведамляе БелТА.
Расейскі кірунак застаецца найбольш дасяжным для беларусаў таму, што магчымасьці паездак на Захад істотна абмежаваныя. Пасьля ўвядзеньня санкцыяў Беларусь страціла прамое авіязлучэньне з краінамі ЭЗ, а наземныя паездкі ўскладняюць закрытыя і абмежаваныя памежныя пераходы. У выніку санкцыйная і памежная палітыка на практыцы закранула звычайных беларусаў, звузіўшы магчымасьці для падарожжаў і фактычна падштурхоўваючы пасажырапаток у бок Расеі.
