Прэзідэнт Польшчы Караль Наўроцкі ўзьняў тэму падтрымкі Ўкраіны падчас сходу партыі PiS:
“Калі гаварыць пра Ўкраіну, то, шаноўнае спадарства, так — у інтарэсах Польшчы, каб Украіна і ўкраінскія жаўнеры як мага лепш давалі рады постсавецкай Расейскай Фэдэрацыі. Каб трымалі яе як мага далей ад Польшчы — гэта відавочна, такая стратэгія польскай дзяржавы.
Няхай забіваюць там саветаў, якія на іх напалі, і ўвогуле нам, палякам, ад гэтага не баліць. У гэтым пляне яны заўсёды могуць разьлічваць на нашую дапамогу, бо там, дзе б’юць маскаля, там Польшча дапамагае, нават калі непасрэдна ў гэтай вайне ня ўдзельнічае.
Можна дапамагаць і можна патрабаваць. Можна супрацоўнічаць па-партнэрску, можна разумець адно аднаго. У прынцыповых пытаньнях такая нашая пазыцыя. Мы будзем дапамагаць, але заўсёды кажучы: «Перадусім Польшча, перадусім палякі».
Не бяздумна адпраўляючы чарговыя флёты і ўсё астатняе без глыбейшага асэнсаваньня, без аналізу, па тэлефонных званках і за ўсьмешкі. Так, у нашых інтарэсах, каб яны біліся як мага даўжэй і як мага больш эфэктыўна.
Мы зь імі, але тут Польшча, тут нашыя інтарэсы, і ўсё гэта трэба аналізаваць і падыходзіць да гэтага з годнасьцю, з партнэрскай адкрытасьцю і саюзьніцкім разуменьнем”
