Старшыня дэпутацкай Апазыцыі БНФ у Вярхоўным Савеце 12-га скліканьня, лідар НВР “Вольная Беларусь” Зянон Пазьняк выказаў словы падтрымкі Ўкраіне:
“Выказваем балеснае спачуваньне ўкраінцам у сувязі з нападам расейцаў на Кіева-Пячэрскую Лаўру і падпалам Успенскага Сабору, разбурэньнем кінастудыі імя Даўжэнкі. Маскоўскія варвары супраць Бога, супраць культуры, супраць добрага і чалавечага. Гэта вядома. Але яны будуць пакараныя. Украінцы, мацуйцеся і мужайцеся. Бог з намі. Сатанінская маскоўская арда — пагроза чалавецтву — будзе разгромлена. Слава Украіне! “
“Маскоўцы пачалі рабіць ва Украіне тое, што 200 гадоў рабілі ў Беларусі, — зьнішчаць сьведчаньні хрысьціянскай Веры і культуры. Цяпер праз лукашысцкі рэжым яны тое працягваюць. Некалькі гадоў таму падпалілі каталіцкі санктуарыум у Будславе — цэнтар беларускіх пільгрымак і маленьня. Потым зрабілі пажар у Чырвоным Касьцёле Сымона і Алены ў Менску — цэнтру беларускай каталіцкай асьветы і веры — і зачынілі яго. Тут агульны маскоўскі почырк, адна палітыка, адна расейская нянавісьць да ўсяго лепшага, добрага, сьветлага. І пекла йдзе за імі. Але на гэты раз у пекле згараць яны самы” — дадаў Зянон Пазьняк
