Акцыя прайшла ў цэнтры польскай сталіцы перад так званым «Парадам роўнасьці», у якім сёлета бралі ўдзел і прадстаўнікі беларускай дыяспары.
Арганізатарам акцыі выступіў Рух беларускіх нацыяналістаў.
Як адзначылі ўдзельнікі пэрформансу, ягоная мэта — нагадаць пра сапраўднае значэньне нацыянальных сымбаляў беларускага народу:
«Сутнасьць пэрформансу — паказаць, што Бел-чырвона-белы сьцяг і герб Пагоня зьяўляюцца сакральнымі элемэнтамі нашага народу. Калі нацыянальныя сымбалі выкарыстоўваюцца дзеля прапаганды неадназначных для беларускага грамадзтва каштоўнасьцяў, яны губляюць свой сэнс. Бо нацыянальныя сымбалі павінны аб’ядноўваць, а не выклікаць спрэчкі і непаразуменьні».
