Пяць год таму падчас пратэстаў у Менску быў забіты Раман Бандарэнка. Лукашэнаўцы напалі на беларуса, які выйшаў бараніць свой Дом і Сьцяг.
11 лістапада 2020 года, пабачыўшы ў чаце, што нейкія людзі зрываюць бел-чырвона-белыя стужкі паблізу яго дома, Раман выйшаў паразмаўляць зь імі.
Але невядомыя ў цывільным і масках моцна зьбілі хлопца, пасьля чаго Раман трапіў ў бальніцу. Стан хлопца быў вельмі цяжкі, апэрацыя доўжылася некалькі гадзін.
Увечары 12 лістапада стала вядома,што Раман Бандарэнка памёр.
Памятаем. Не прабачым.
