Беларусы сабраліся ў Варшаве на асьветніцкую канфэрэнцыю ў гонар 107-й гадавіны абвяшчэньня незалежнасьці БНР. Арганізавалі мерапрыемства Нацыянальна-Вызвольны Рух Вольная Беларусь і Беларускі Дом у Варшаве.
На канферэнцыі былі зачытаныя навукова-папулярныя даклады пра Беларускую Народную Рэспубліку і падзеі тых часоў.
Выступіў лідар руху Вольная Беларусь Зянон Пазьняк, прафэсар і гісторык Алесь Смалянчук, мастацтвазнаўца і дасьледнік Валеры Буйвал, намесьнік Старшыні Рады БНР Сяргей Навумчык (па відэа).
Натхнёнае прачытаньне вершаў беларускіх адраджэнскіх паэтаў у неафіцыйнай частцы імпрэзы не пакінула нікога раўнадушным. Вершы чыталі Галіна Пазьняк, Алег Лазоўскі, Тацьцяна Малашчанка.
Завяршылася імпрэза кульмінацыйным міні-спэктаклем паводле п’есы Зянона Пазьняка “Інсургенты”, прысьвечанай паўстанцам Кастуся Каліноўскага і гістарычнай падзеі іх пахаваньня ў 2019 годзе ў Вільні. Чытаў урывак п’есы сам аўтар.
Мерапрыемства адбылося 23 сакавіка 2025 г.
