30 сьнежня 1976-га нарадзіўся Павал Севярынец, беларускі дзеяч, пісьменьнік, палітвязень.
На жаль, свой 48-ы дзень народзінаў Павал сустрэне ў лукашэнаўскай турме.
7 чэрвеня 2020 году Паўла Севярынца арыштавалі і пазьней абвінавацілі ў падрыхтоўцы масавых беспарадкаў. 25 траўня 2021 году яго асудзілі на 7 гадоў калёніі строгага рэжыму.
“Беларуская нацыянальная сьвядомасць — вось ключ да ўсенародных маральных пераменаў. Адзін чалавек без Радзімы, сцяга і мовы пакаецца і да Бога прыдзе. Цэлая Беларусь — не. Народнае пакаяньне, абуджэньне, навяртаньне і аздараўленьне ў маштабах усёй краіны магчымае толькі ў выніку акунаньня ў купель нацыянальнай свядомасьці”.
