Пабудаваная ў 2017 годзе расейская праваслаўная царква на ўскраіне швэдзскага гораду Вэстэрос, на думку экспэртаў па бясьпецы, нясе пагрозу нацыянальнай бясьпецы Швэцыі.
Заклапочанасьць выклікае адчувальнае размяшчэньне царквы — вельмі блізка да стратэгічна важнага аэрапорта, водаачышчальных заводаў і перадавых энергетычных кампаній.
«Калі сілы абароны Швэцыі праводзяць вучэньні ў аэрапорце або побач зь ім, як гэта было зроблена ў чэрвені, яны робяць гэта пад магчымым назіраннем з боку царквы», — сказаў Маркус Ёрансан, навуковы супрацоўнік Швэдзскага ўнівэрсітэта абароны.
Ячшэ ў лютым 2024 года Служба дзяржаўнай бясьпекі Швэцыі заяўляла, што прадстаўнікі царквы кантактуюць з расейскімі спецслужбамі.
Пасьля ўварваньня Расеі ва Ўкраіну ў 2022 годзе эўрапейскія краіны выслалі сотні супрацоўнікаў расейскай амбасады са сваіх краінаў, але праз два гады становіцца ўсё больш відавочным, што Масква працягвае знаходзіць спосабы прыкрыцьця сваіх аператыўнікаў за мяжой, адзначае Politico.
