З 12 верасьня набываюць моц новыя абмежаваньні, якія наклала на Беларусь (і Расію) Бюро прамысловасьці і бясьпекі (BIS) Міністэрства гандлю ЗША.
Пад забарону (фармальна – пад ліцэнзаваньне BIS) трапляюць экспарт, рээкспарт і перадача ў РБ і РФ такіх катэгорый ПЗ, як:
- Планаваньне рэсурсаў прадпрыемства (ERP);
- Упраўленьне сувязямі з кліентамі (CRM);
- Бізнес-аналітыка (BI);
- Упраўленьне ланцужкамі паставак (SCM);
- Сховішча карпаратыўных дадзеных (EDW);
- Камп’ютэрызаваная сістэма кіраваньня абслугоўваньнем (CMMS);
- ПЗ для кіраваньня праектамі, жыцьцёвым цыклам прадукта (PLM);
- Мадэляваньне інфармацыі аб будаўніцтве (BIM);
- Кампутарны дызайн (CAD);
- Кампутарная вытворчасьць (CAM);
- Інжынірынг на замову (ETO).
— Галоўная юрыдычная асоба Fibery у ЗША, – звярнуў увагу CEO Fibery Міхаіл Дубакоў — Зачыняць доступ, верагодна, усе: Miro, Notion, Coda і іншыя кампаніі, чый сэрвіс можна прывязаць да тыпу софту ў санкцыйным спісе, напрыклад, CRM або ERP. У Беларусі і Расіі ў нас былі дзясяткі кліентаў. Але доступ будзе зачынены для краін, а не для грамадзян, з тэрыторыі іншых краін усё будзе працаваць.
