Мурал князю Полацкаму і Кіеўскаму, які жыў у XI стагодзьдзі, зрабіла група мастакоў Urban Myths сумесна з кампаніяй Betera.
На выяве Ўсяслава Чарадзея суправаджаюць сокал, воўк і чорны кот.
Аўтары тлумачаць: сокал у народнай традыцыі сымбалізуе сонца, перамогу і ўладу. Воўк асацыюецца са свабодай, а кот у беларускім фальклёры зьвязаны зь містычным сьветам.
Князь Усяслаў — не толькі самы славуты з валадароў Полацкай дзяржавы, але і самы загадкавы. Пра яго расказвалі шмат таямнічага. Нібы з Кіева ён чуў, як у Полацку звоняць званы. Прадказваў будучыню. Мог, абярнуўшыся ваўком, за адну ноч абабегчы ўсю сваю вялікую дзяржаву.
Менавіта Ўсяслаў Чарадзей распачаў будаўніцтва Сафійскага сабора. Гэта быў першы каменны храм у Полацку, а магчыма, і ва ўсёй Беларусі. .
Фота: Urban Myths (Signal project)
